قصيدة خل عينج

خل عينج تصد بغير عيني
وجفوفج بغير اجفوفي تتحنه
وخل دمج بغير دمي ينعجن
ونحرم طول العمر من ريحة الجنة
اه من هذا الزمان اشكد خبيث
عندة وردة هلعمر وكطعوهه منه
جانن بنات الطرف بفراحي تحسدني
هسه بنات الطرف بحزاني تتغنه
نعيش علحلوة والمرة وبطيبة وحنين
ونموت موتتنه سوية جنه نتمنى
جنه نتأمل تزفنه ناسنة الطيبين
وخلبصوا يبنت الناس اهلج كل غزلنه
جرحج من دون جفي مايبرى ويطيب
وروحي من غير روحج فنهه تتهنه
عذبوه ومرمروه وظنهم ينسونه حبي
وبلا خجل ذبحوا الضحكات اعله سنه
........................................
شتنسونه وتنسوني وانه وياه شجرة وماي
ماعيش انه بلياه واظن ميعيش من دوني
شتنسونة وتنسوني وانه وياه روح بروح
خذوا روحي وبلاية روح خلوني
سكوني الحنظل المر من انطوج لعدائي
وجنت ادري يبيعونج وابد ماخابت اظنوني
الخميس الفات زفوهه وشلون زفه زفوهه
هوسات وهلاهل ودك اطبول بلعمدة يسمعوني
هم شفتوا يهل وادم عروسة بيوم زفتهه
تصرخ تصيح بصوت عالي أهلي ظلموني
الله ينسيني وينسيج كل الهموم
والله يعذب كلمن عذبنة وظلمنه
جنه نتأمل تزفنه ناسنه الطيبين
وخلبصوا يبنت الناس اهلج كل غزلنه
تقبلوا خالص تحياتي مثنى العراقي